RCA ta gana Riverplate 2 – 0 y ta avansa pa e semi-final di Copa Betico Croes

Cu golnan anota pa Daniel Linscheer y John Silva, RCA ta sigui pa e siguiente buelta di Copa Betico Croes 2024. RCA a enfrenta Riverplate den un wega balansa y cu hopi speed. Ya na di 10 minuut RCA a anota nan gol tras di un bon  combinacion di Simmons, Silva y Linscheer cu ta habri e marcador. Deespues di e gol, River a keda hunga nan futbol riba velocidad y algun biaha tabata serca di sorpresa portero Marval. Sinembargo un carchi cora pa e hungador Shandrey Vrolijk di Riverplate a pone cu e ekipo mester a acopla por completo y a perde tereno. Asina mes e wega a keda uno balansa y River a keda ataka buscando e gol di empate. RCA mas cu claro a keda peligroso padilanti cu Silva y Linscheer unda e prome ta anota e 2 – 0 y duna su ekipo e pase pa e siguiente buelta.