Papaya Ranch ta rindi honor na sr. Perucho Gonçalves

Weekend proximo Papaya Ranch ta organiza su Torneo Himno y Bandera di bolas
criollas cu un participacion di 65 ekipo total. Cu gran aprecio Papaya Ranch ta rindi
honor na sr. Pedro Gonçalves mihor conoci como Perucho, arimador di ekipo Los
Compadres y doño di su negoshi Caribbean Store.

Pa Perucho su gran dedicacion y amor pa bolas criollas pa mas di 20 aña, Papaya Ranch ta dedica e torneo aki na su persona.
Diadomingo 17 maart 2024 pa 9:45 mainta lo tuma inicio di Torneo Himno y Bandera di
bolas criollas na Papaya Ranch unda sr. Perucho lo saca prome bola. Despues weganan di infantil, hubenil, damas y cabayeros lo sigui durante día te cu 8:00 di anochi.
Diadomingo 18 maart 2024 pa 10:00 mainta lo tin canto di Himno y hisamento di
Bandera pa despues ekiponan sigui bataya pa asina atardi tin e gran final pa haya
resultado di Campeon, Sub-Campeon, 3er y 4to lugar den cada categoría. Tambe lo tin
premio pa Mihor Boche y Mihor Arime den cada categoría. Pa culmina e torneo lo tin ambiente musical di Shine Music Aruba desde 5:00 atardi, bin baila y goza!

Papaya Ranch ta invita henter pueblo di Aruba pa bin duna honor y aprecio na sr. Perucho. Tambe bin apoya nos ekiponan di bolas criollas y pasa dia cu famia y disfruta di un bar bon surti y cushina crioyo crioyo!
Ban hunto celebra nos Dia Nacional y engrandece bolas criollas y deporte di Aruba en
general.