Novatos ta bira campeon den e segundo edicion di Copa Nacion

Den e torneo aki teamnan a representa e bandera Rubiano, Dominicano y Venezolano. E equipo Novatos (representando e bandera Dominicano) ta titula campeon di e torneo aki pa di dos biaha consecutivo. Den e wega final nan a hunga contra e equipo representando Aruba, equipo Crush Power.

Tambe na tur equiponan cu a competi den e torneo aki, directiva di Copa Nacion 2023 kier a gradici cada un di boso pa competi den e torneo y representa boso bandera debidamente. E weganan tabata tremendo!

Directiva di Copa Nacion 2023 kier extende nan gradicimento na tur nan sponsors:

Motor World Aruba
The Hangout
Silla Bar & Restaurant

E ayudo di sponsors tabata hopi importante pa por a organisa un evento di e magnitud aki.

Un danki ta wordo extendi tambe na tur fanatico cu a bin pa wak e weganan. Masha danki pa boso apoyo.

Un biaha mas directiva di Copa Nacion kier a duna pabien na e equipo multi-talentoso y extraordinario Novatos!