Landado legendario Deaxo Croes y team Crossing for Prevention a duna un charla na Mon Plaisir School.

Den cuadro di e celebracion di Nos Himno y Bandera 18 di maart, e landado Deaxo Croes y su team di Crossing for Prevention wordo invita na Mon Plaisir School pa asina duna un charla riba e hazaña unico di aña pasa ora Deaxo a landa di Boneiro pa Corsow.

A elabora riba diferente tema por ehempel, e importancia di un tin un meta y soño. Con pa traha stapnan pa realisa bo meta y soño, con bo lo kier bay logra tur esakinan. E importancia di traha den ekipo y yuda otro y e comunidad. Tambe siña celebra ora un meta of soño wordo realisa/cumpli y kizas haya forza di un meta of soño cu no a wordo cumpli. Sin lubida sigui traha pa otro meta of soño nan cu ainda bo tin cu traha pa nan. Cada persona den e Team Crossing for Prevention a haya un parti pa splica riba dje.

Un bunita iniciativa di Mon Plaisir School. Nos ta kere cu tipo di charla nan aki ta hopi importante pa nos alumnonan sigur riba e parti di aspira, concientisa y nunca stop di soña y no tin mihor personanan pa splica cu esnan cu tur dia ta biba esaki di serca y a logra nan metanan poni.

 

Landado y pa nos legendario, Deaxo Croes ta e unico persona te awor den historia di Aruba cu crusa lama landando di un pais pa e otro na dos ocasion esta Venezuela pa Aruba y Boneiro pa Corsow.

Pabien