Kyra Hoevertsz a termina na di 12 lugar den e Solo Free durante e Mundial di landamento

E landado artistico Arubano, Kyra Hoevertsz ta prestando formidabel durante e campeonato mundial di landamento artistico na e ciudad di Fukuoka, Japon. Despues cu algun dia atras, Kyra ta haci historia logrando un di 7 lugar overall den e Solo Tecn, awe diaranson mainta un bes mas e atleta elite di Aruba ta landa un gran final unda e ta obtene un di 12 lugar overall e biaha aki den e Solo Free.

 

Den e rond preliminar, Kyra a termina na un di 11 lugar den e clasificacion general y aki e 12 mihornan ta sigui pa e gran final. Den e final di 12, Kyra ta haya e puntuacion di 136.4083 bon pa un di 12 lugar den e Solo Free durante e World Aquatics Championships – Fukuoka 2023.

 

Si nos mira e Top 12 Mundial, e continente America ta representa pa Aruba y Canada cu a logra clasifica pa e final di Solo Free, cu e landado di Canada ocupando un di 4 lugar overall. Pues Kyra a supera varios landado pontencial di paisnan grandi di nos continente durante e mundial aki. 

 

Ta bon pa bisa aserca cu nunca antes Aruba a yega asina leu durante un campeonato mundial di landamento den e disciplina landamento artistico.

 

Pabien Kyra. You Go Girl

 

Image Source: Sarah Stier/Getty Images