Kianna Krosendijk Preparando pa bai competi na Costa Rica

Kianna Krosendijk representante di Seleccion di Aruba Taekwondo Bond ta preparando pa bai
Costa Rica. Aña pasa ela logra medaya di Brons na Costa Rica den categoria cadet. Kianna
Krosdendijk a cuminsa participa e aña aki den categoria junior, e tin 14 aña di edad y ta
buscando pa haya mas experencia. E competencia di Cost Rica ta un G2 Ranked Event, cual ta
un evento official di World Taekwondo Federation.
E aña aki ela logra bira Campeon Nacional di Aruba y su soño ta pa representa Aruba den
competencia internacional di Nivel. Su club unda e ta entrena ta Impact Taekwondo unda e ta
wordo guia door di Olympian Monica Pimentel kende ta un di e Bonds Coach di Aruba
Taekwondo.
Kianna a cuminsa train cu 9 aña di edad y competi den nivel nacional desde edad jong, ja e tin
experencia internacional unda ela bai training camp na Puerto Rico, Mexico, Merca y
competencianan den region. Su coach Monica ta wak cu e tin hopi potencial pa e deporte di
taekwondo “ Kianna ta un atleta cu hopi abilidad tecnico y flexibilidad cual ta un di e cosnan
mas importante den e deporte. aworaki Kianna mester di haya mas experencia pa e por lesa
mijo su contricantenan y desaroya e parti di strategia di combate”
Kianna y su Coach Monica ta duna Pueblo Danki pa tur apoyo durante nan collect, e soño di
Kianna ta pa ta bon prepara y representa Aruba den Youth Panam Games 2025.