Kamilah y Abigail Dammers a entrena awe na e acomodacion di Boliche na Santiago

Dialuna marduga e rumannan Dammers hunto cu nan coach mexicano Ernesto Avila a yega e Villa Panamericano mientras e atardi ya caba a plania e prome entrenamento. Tanto Kamilah y Abigail a busca e ahuste nan corecto pa asina conoce e canchanan y cuminsa sondia e posibel uso di e balanan di bowling pa cu e competencia cu lo start diaranzon awor. Ta bon pa menciona cu coach Chris Dammers lo forma parti di e team.

 

Hopi wowo riba e rumannan Dammers na Santiago ya cu ambos ta e campeonnan di Odesur 2022 mientras Kamilah a logra e titulo maximo den e boliche individual. Den e dianan siguiente e entrenamentonan lo sigui den e Weganan di Santiago 2023.