Happy Parents Happy Children Conference

Piso Tres Workcenter lo ta organisando nan prome conferencia den
November 2023 “HPHC Conference” un conferencia pa mayornan,
educadornan, entrenadornan cu enfoke riba nos muchananan y hobennan. E
Conferencia lo tuma lugar 14 y 15 di November en conexion cu Dia
Internacional di Mucha 2023.
Piso Tres ta un centro situa den caya grandi, un centro cu tin differente
espacio multi funcional cu ta wordo usa entre otro como oficina, lugar di
encuentro, evento y mucho mas.
Despues di un seminario exitoso na 2022, organisadornan Queeny Bergen y
Zilha Bruin Wever hunto cu un team dinámico a dicidi di organisa un
conferencia cu lo duna e comunidad e oportunidad pa bini hunto pa explora
diferente strategia innovativo, conoce e mihor practicanan y haya herment y
perspectiva valioso riba desaroyo di nos muchanan y hobenan.
E objectivo di e seminario ta pa provee mayor(nan), educador(nan),
entrenador(nan) tur hende cu tin di haber cu desarrollo y cuido di mucha y
hoben cu differente “tools” y informacionan importante basa riba estudio,
duna pa expertonan y oradornan local y internacional riba differente topico
entre otro communicacion, conexion, compronde y maneha emocionan,
inteligencia emocional, confiansa y mucho mas pa asina por lanta un
generacion cu muchanan/hobennan firme, contento y stabiel.
E seminario lo ta parti den 2 differente dia, unda cu cada dia lo tin un otro
topico, orador y audiencia.
14 November: Topico: Muchanan
Audiencia: Mayornan, Educadornan, Entrenador di mucha nan di 1 pa 10 aña
Orador local: Phil Codoy (Psycologo)
Orador Internacional: Stephanie Pinto y Sarah Rose Whaley
Moderador: Laura Tromp (Parent Coach biba na Hulanda)
15 November – Topico: Hobenan
Audiencia: Mayornan, Educadornan, Entrenador di hobennan di 11 pa 18 aña
Orador local: Johnny Boekhoudt (Psycologo)
Orador Internacional: Destini Ann Davis (Ted X Speaker, Tween Coach)
Moderador: Laura Tromp (Parent Coach biba na Hulanda)
E ta un oportunidad pa abo como mayor, entrenador, educador bini hunto pa
explora diferente strategia innovativo, conoce e mihor practicanan y haya
herment y perspectiva valioso riba desaroyo di nos muchanan.
E conferencia ta enfoca riba nos meta cu nos tur tin en comun cu ta: Ban
yuda lanta un futuro generacion mas resistente y feliz!

Ariba Diamars 14 y Diaranson 15 di November lo tin un “Happy Expo
Lounge” by Futura cu lo ta habri desde 5PM (Prome cu conferencia
cuminsa). E Happy Expo Lounge lo tin diferente organisacion, instancia,
compania presente cu lo provee informacionan valioso y diferente “deals”
riba e dia aki. Asina tambe por conoce un poco mas di nan servicio y
actividadnan. Tambe lo tin hopi premio!!!
E Conferencia mes lo cuminsa 6PM, lo tin cuminda y bebida disponibel na
bon prijs y pa es motibo nos ta pidi tur mayor, educador, entrenador pa vega
trempan pa asina por probecha di e evento y conferencia por completo.
Pa ticket lo por cumpra via Pay.aw, Plaza Book Shop, Van Dorp, Cas di
Cultura, organisadornan a sigura pa pone un prijs accessibel pa un y tur. E
ta Awg. 50 pa dia y special di Awg. 85 pa tur dos dia. Pa Maestronan lo tin un
special di Awg. 40 pa dia y Awg. 75 pa tur dos dia. Esaki ta disponibel via
email: pisotresaruba@gmail.com of por jama libremente 5940297 of
5933447.
Cu e conferencia aki, e organisadornan kier ofrese e comunidad di Aruba, en
especial mayor(nan) y educador(nan) e oportunidad di atende un evento
unda cu oradornan local y internacional lo presenta topiconan di actualidad
pa cu desaroyo di nos Muchanan u Hobenanan.