Exitoso Copa Latino Americano de BMX One Happy Island

Un fin di siman exitoso na Parke Curason Jaburibari unda e prome edicion di e Copa Latino Americano de BMX One Happy Island 2023 a tuma lugar riba e pista di bike cross. Alrededor di 200 coredor di henter e continente Sur America hunto cu 1 coredor di Belgica a bataya fuertemente pa e puntonan di e clasificacion Olimpico di Paris 2024. Mas cu claro na mes momento nos por a aprecia nos hoben prospectonan den e deporte di BMX cu sin duda a demostra nan talento y bataya contra e mihor den edad di henter Suramerica. Nos muchanan a sobresali y a demostra cu dentro di algun aña nos tambe por produci coredornan di nivel mundial. Durante dos dia a entrega e trofeonan cu e simbolo di Aruba como recuerdo.

 

Un pabien na AWB, Comision organisador, boluntarionan cu a yuda y tur cu ta envolvi den e organisacion. Boso a demostra cu Aruba por host un evento grandi deportivo internacional.