Dos hungador mas di SV Britannia ta preparando pa bai haci try out

Dia 22 di februari awor ta cla pa sali pa Hulanda e hungadornan di SV Britannia Allan Vasquez y Quincy Nelisse, ambos hungador tin 12 aña di edad y danki na e programa di FIFA TDS pa medio di AVB esaki ta posibel. Contrario na e otro tres hungadornan di SV Britannia cu ta na Hulanda awor aki esta Jeremy Trimon, Thair Thode y Born de Nobrega cu ta haciendo nan try out na FC Dordrecht Quincy y Allan lo haci nan try out na Sparta Rotterdam.

Nos ta conciente cu e tempo frieu y awasero no ta na nos fabor pero nos tin confiansa cu tur e hungadornan aki lo haci nan maximo esfuerso pa por logra un cupo den un team na Hulanda. Banda di e hungadornan di SV Britannia cu ta na Hulanda awor aki, tambe ta na Hulanda awor aki Justhan Maduro di Riverplate y Hubertje Soloagnier di RCA pa un try out.

Mas ora e fecha di 22 februari ta yegando nos lo duna mas informacion.