Softball Team Sports Uncategorized Den e duelo di invicto: Eagles ta gana Splash pa keda como unico ekipo inbatible Seever KrozendijkJuly 23, 202302K views Diasabra anochi den un Dragon Hitters repleto di hende e dos ekiponan invicto den e Woman Open Class Softball Tournament organisa pa S.V. Dragon Hitters esta Eagles y Splash a topa otro cara cara. Un duelo hopi anticipa ya cu ambos ekipo tabata tin 4 gana y 0 wega perdi. Mester bisa cu ambos ekipo a cuminsa poco nervioso ya cu varios error a keda cometi cual a costa caredanan innesecario. Eagles ta cambia pitcher trempan y aki Carmelita Haynes mes mester a subi pa paga candela. Di otro banda Splash a pika dilanti pero no ta logra wanta e ventaha cu tabata corto. Eagles a bati mas oportuno cu un total di 16 hit compara cu 8 pa Splash mientras tur dos ekipo a comete 4 error. Na final Eagles ta keda invicto unda nan ta derota Splash 9 – 7. Nos tin e numeritonan di e wega. R H EEagles 9 16 4Splash 7 8 4 WP. Carmelita HaynesLP. Mildred Tromp Best Batters Eagles Sharlanee Richardson 3 – 3Shardea Croes 3 – 2Aria James 3 – 2Mellizienne Haynes 3 – 2Destiny Johnson 1 – 1 Best Batters Splash Marie Koots 2 – 2Andrea Thompson 3 – 2Gianna Henriquez 2 – 1Wendeline Dirksz 2 – 1Rudlyn Ras 3 – 1 Den e otro weganan Sweet Devels ta gana Warriors 5 – 2Sk Ladies ta gana Flenge Flenge 14 – 6Dragon Hitters ta gana Mal Bat Girls 11 – 5. Softbol femenino