Damian Pinas reconoci riba Rising Star Wall of Fame na Paseo Herencia

Un bunita anochi pa atleta di UFC, Damian Pinas hunto cu su famia y amigonan.

Un anochi simplemente magico na Paseo Herencia Mall, ora cu Aruba su prome UFC-er, Damian Pinas a wordo reconoci riba e Rising Star Wall of Fame mey mey otro atletanan elite cu den pasado tambe a wordo reconoci pa nan gran prestacion den deporte. Manager Director di Paseo Herencia, sra. Valerie Pietersz-Camacho a reconoce e gran prestacion di e atleta Damian Pinas y e ehempel cu e ta pa nos hubentud. Manera sra.Pietersz-Camacho a bisa; “Damian bo walk of star ta wardabo bandi Sarah Quita y Xander y no tin duda cu un dia nos lo mirabo banda di nan como un campeon di UFC”.

Na final Damian Pinas mes tabata tini un bunita mensahe na e hubentud di Aruba; “Caba boso scol prome, percura pabo tin un diploma den bo man. Ami a caba mi scol prome y despues mi a pensa riba otro cos. Cu bo diploma bo por bay diferente caminda, paso scol y diploma ta importante”.

Na e develo di su potret na e Rising Star Wall of Fame, Damian, su famia, su amigonan tabata super contento di su logro y cu hopi orguyo tur a saca potret cune. Notable ta cu hopi turista a tuma nan tempo pa saca potret cu nos estreya di UFC, Damian Pinas.