Conoce e hoben pelotero Xavion Croes        

Xavion Zyrick Croes a nase dia 6 dia augustus 2015. Cu su 1 ana mas o menos nos a cuminsa ripara cu e deporte di Baseball ta hala e atenshon di Xavion.

Xavion tawata gusta sinta wak MLB games completo hunto cu su tata.

Den e mesun edat ey Xavion tawata hunga baseball tur merdia/atardi den cura. Tur dia Xavion ta buska un miembro di famia pa pitcha pe.

No ta pasa un dia cu Xavion no ta swing e bat ey y cu tempo e la sina catch tambe.

Mirando e pasion cu Xavion tin pa e deporte di Baseball nos a opta pa hinka Xavion den un team.

Cu Xavion su 3 ana y mei mas o menos Xavion a forma parti d e equipo di Grasshoppers unda e la hana e oportunidat pa hunga algun wega cu nan.

Na e mesun ana aki nos a muda pa Korsou y eynan Xavion a join e team di Sint. Michiel Sharks unda e la practica mas tanto y a hunga algun wega di fogeo prome cu e crisis di Covid a drenta. Den e temporada aki Xavion tawata tin 4 ana.

Nos a regresa Aruba bek dsp di un tempo y asina na maart 2021 Xavion a cuminsa forma parti di e equipo di CBN Eagles cual ainda ta formando parti di dje.

Na mei 2021 ta unda Xavion a sa di conecta su prome homerun cual tawata un grandslam.

Actualmente Xavion tin un total di 16 homerun ariba su nomber, un mucha homber di apenas 7 ana.

11 di nan ta durante wega y e otro 5 nan den Homerun Derby. Den un solo wega e la sa di dal 3 homerun.

Juni 2021:   Homerun Derby 5/6

                       Champion

Juni 2022:   Homerun Derby 7/8

                      Champion

Jan  2023: Homerun Derby 7/8

                          Sub Champion

Xavion a forma parti di diferente seleccion nan di 5/6 I 7/8 unda cu varios wega a sali MVP tambe.      

Banda di su homerun nan Xavion a sa di empuha varios careda batiendo hit y dobblete.

Xavion ta domina su fildeo tambe tremendo, e ta filia unda cu pone y mester bisa cu especialmente Xavion ta un tremendo primera base.

Tanten Xavion tin e gana den e deporte di baseball, nos como Xavion su mayornan y tambe henter famia ta para 100% su tras. Nos sa cu apenas e ta cumisando y sigur un camida largo pa bai pero nos ta sumamente orguloso di dje caba pa tur locual e la sa di demostra pa cu Baseball.

Xavion su mensahe pa tur otro muchanan:

Stima e deporte cubo ta hasi y bo lo hasie tur dia cu hopi smak. Practica hopi pa bira miho cu ajera. Educa bo mes mas di e deporte manera ami ta hasie tur dia. Aplica diciplina na tur training y wega.

Un danki na tur mi coach nan cu a train mi I juda mi jega te unda cumi ta awe, for di mi pome dia ariba veld te cu awo.