Centro di Bario Savaneta cu FunWalk diasabra 27 di juli

Diasabra dia 27 di juli Centro di Bario Savaneta ta organisa nan Walk Dance For Funds 3.5km. E 3.5 Fun Walk lo cuminsa pa 6’or saliendo for Centro di Bario Savaneta, na final pa 7’or lo tin Zumba pa tur presente.

Meta di e Fun Walk and Dance ta pa yega na fondonan necesario pa adkeri material di deporte pa asina organisa actividad pa mucha y tur otro bishitante di Centro di Bario Savaneta.

Cu un contribucion di 5 florin por participa na e evento aki y asina yuda Centro di Bario Savaneta yega na nan meta.