Centro di Bario Piedra Plat ta organisa su prome caminata

Centro di Bario Piedra Plat no ta un centro di bario desconoci den nos comunidad. Pa varios aña
ta existi caba y semper a mantene e comunidad di Piedra Plat activo cu actividadnan positivo. E
biaha aki no ta un exepcion, nos ta wak e beneficionan di tin un bida mas saludabel pero alabes
pasa tempo den famia tambe ta algo cu nos kier promove.
Pesey dia 30 di September 2023 nos lo tin nos prome caminata di 5km cu ta yena cu actividad pa
henter e famia!
E programma ta cuminsa 3:00pm y ta termina 8:00pm. E caminata mes ta cuminsa pa 5:30 di
atardi saliendo for di Centro di Bario Piedra Plat y ta termina 6:30 di atardi den e parkeerplaats di
Centro di Bario Piedra Plat.
Nos programma ta ensera:
3:00pm – 4:15pm Spel Zonder Grenzen
3:00pm – 7:00pm Dino Jump
4:30 – 5:00pm Zumba
5:30 – 6:30pm Caminata 5km
7:00 – 7:15pm Milliard MMA Academy
7:15 – 7:30pm Gymnastic AVANSE
7:30 – 7:45pm Tiger Taekwondo Academy
7:45 – 8:00pm Brazilian Jiu Jitsu
Nos tin varios premio atractivo pa e participantenan di e caminata, incluyendo premio cash pa e
prome 3 persona cu drenta prome den categoria di hende muhe y tambe den hende homber.
Otro premionan lo wordo haci den forma di tombola y ta inclui premionan manera weekend stay,
diferente dinner for two, trip riba catamaran y hopi mas.
Pa participa den e caminata ta costa solamente 20 florin pa persona y mirando nos ta promove un
Aruba mas berde y liber di sushi, tur cos ta online. Por registra online y lo ricibi un email di
confirmacion na momento cu pasa paga esaki. Actualmente nos tin dos punto di pago cu ta na
Centro di Bario Piedra Plat y tambe na Ibisa.
Bishita e facebook page di Centro di Bario Piedra Plat y registra awe mes pa bo no keda afo!
Finalmente nos kier a gradici CEDE Aruba y tur esnan cu ta sosteniendo e actividad aki.
Pa mas informacion por tuma contact cu nos na +297 593 6720 of na nos Facebook Page: C.B.
Piedra Plat – Entertainment Center https://www.facebook.com/ppecparty