Centerville Pies Warriors no ta logra bons bek contra di Aruba Jrs y ta cay venci

E ekipo di Centerville Warriors ta den un racha fastioso despues di a perde nan di tres wega sigui.

Diadomingo ultimo den e Liga 50+ di softball na tereno di Dragon Hitters, Warriors a enfrenta Aruba Jrs y aki no por a remata pa logra vence Aruba Jrs. Warriors ta anota 5 careda, bati 6 hit pero ta comete 3 error cual mescos den e weganan anterior a costa nan varios careda innecesario. Tambe Centerville Pies ta laga varios coredor na base durante henter e wega. Di otro banda Aruba Jrs ta probecha bon y na e momento oportuno pa hinka nan caredanan. Na ultimo, Centerville Pies ta menasa pero e time limit a yega unda umpire ta caba e wega.

 

Nos tin e numeritonan di e wega. 

 

.                    R    H     E

Aruba Jrs.   8.   10.   0

Warriors.     5.     6.   3

 

WP.  Guillermo Montiel

LP.   Danilo Vrolijk

 

Best Batters Aruba Juniors

Lenin Ashby.      3 – 2

Edgar Bautista. 3 – 2    

 

Best Batter Warriors

Michael Rodriguez.     2 – 1

Robert Rodriguez.       2 – 1

Charles Danker.           2 – 1

Richard Mackay.          2 – 1

 

Diadomingo awor 23 di juli pa 2.45, Warriors lo enfrenta Astros den un wega unda nan mester gana pa keda cu e miras pa e playoff final.