Campeonato Nacional di Domino Balashi 2023

Amantenan di e deporte y pasa tempo mas gusta pa nos Rubianonan, esta Domino, ta cla pa start sali.
Aruba Domino Bond tin e placer di presenta e Campeonato Nacional di Domino Balashi 2023.
Aruba ta keda invita pa Diabierna awor, dia 26 di Mei 2023, pa e gran apertura, cu lo tuma lugar na
Centro Deportivo Betico Croes, cuminsando pa 6.30 di anochi cu un bunita desfile di e 8 teamnan di
Domino Organisa na Aruba.
E campeonato Nacional di Domino Balashi 2023, lo conta e aña aki cu e siguiente 8 teamnan: Old Parr
Dt, GoldStone Dt, Extreme Dt, Sport Boys Dt, Eagles Dt, Trappers Dt, Noord Stars Dt, Ottleys Dt.
E campeonato organisa aki lo wordo hunga na diferente cedenan rond di Aruba, tur Diabierna y tur
Diadomingo.
E aña aki un vez mas Aruba Domino Bond ta conta cu contribushon di nos compania cu mas tin nos
deportenan local na pecho. Cu su productonan mas gusta y consumi durante y despues di wega, esta
Balashi y Dewars.
Aruba henter ta wordo invita pa asisti na e apertura y e weganan pa asina apoya tur e teamnan di
Domino organisa. Y alavez celebra 60 anniversario di Aruba Domino Bond.
Noordstars Dt. Lo sa di retene nan titulo di campeon un biaha mas, of nan rival Old Parr Dt lo tin algo di
bisa? Rejuvenecemento di Team Ottley lo por sorprende? 8 team cla pa bataya.
Aruba domino Bond ta wardabo na Centro Deportivo Betico Cores pa e gran apertura cu bar y cushina na style di happy hour. Amantenan di domino….Campeonato Nacional di Domino Balashi 2023 ta start!