Basketbolista Andre Bryson a debuta cu Valtarese Pallacanestro na Italia

Porfin Andre Bryson a debuta den e liga Division dos na Italia cu su ekipo Valtrese. Despues di algun luna e ekipo di Valtarese y Andre Bryson a conoce un tremendo wega unda Bryson a anota un total di 23 punto den su debut.

Andre a hunga su wega cu confiansa den su habilidadnan aparte di su 23 puntonan cual ela score 7 den e prome mita di e wega y 16 den e segundo mita, Andre tambe a haci:

5 assists
4 rebound
3 robo
2 turnover
E fanaticonan ya caba a declara Andre un MVP.

Andre Bryson a hunga den varios seleccionnan di Aruba y tin experencia internacional como tambe a hunga algun wega na Hulanda. Na 2022, Andre Bryson a hunga den e NBA Pro Combine na Las Vegas durante e NBA Summer.

Naturalmente directiva di Stealers Aruba ta hopi orguyoso di Andre y ta agradecido na e management di Valtarese Basketball y su coach Antonio.