Atleta Bjorn Geerman cosechando exito den e deporte di Brazilian Jiu jitsu (BJJ) na Hulanda

Nos a bin conoce un hoben di 24 anja cu a nace y ta biba na Hulanda na Tilburg. Su mayornan ta Arubiano y e ta considera su mes un Arubiano. Actualmente Bjorn ta na Aruba cu vacacion y ta disfruta di nos dushi isla. Na Hulanda, Bjorn a termina su estudio den werktuigbouwkundige y awo cu por combina su profesion cu su deporte.

Bjorn ta practica e deporte di Brazilian Jiu jitsu (BJJ). E ta haya e combinavion di e aspectonan fisico y mental di e deporte super great. Manera Bjorn a bisa: “Paso e deporte aki ta rekeri disciplina y e ta pusha bo na bo maximo”. 

Segun Bjorn a deporte tin su ventaha y esey ta cubo ta conoce hopi hende cu e mesun interes; e ta haci bo fisicamente mas fuerte y e ta sinja bo conoce bo curpa mas mihor. Mas cu claro manera tur deporte, e Brazilian Jiu Jutsu tin su desvetaha unda e ta rekiri hopi tempo di bo pabo por bira mihor den dje. E ta un deporte di riesgo e no ta bin sin su lesionnan. 

Pa Bjorn su momento mas memorabel den su carera den Jiu Jutsu ta ora cu e la gana 2 medaya di Oro den e Grappling Industries Amsterdam, ganando 7 di 8 matches cu submission. 

Bjorn su top 3 highlight ta cu e la ricibi su  faha blauw. Su prome pro event di Versus Grappling cu e la gana y cu e la bay participa na e Europese Kampioenschap na Paris, Francia e anja aki. 

Bjorn su conseho ta pa sigui entrena duro y mas importante ta pa entrena sabi, unda cu tecnica bo ta logra mucho mas. 

Por ultimo Bjorn su deseo ta pa participa den mas torneo International y participa den e Campeonato Mundial di Jiu Jutsu na Abu Dhabi e anja aki. 

Te asina leu nos combersacion cu e atleta Bjorn Geerman. Nos di 297sports kier a desea Bjorn Geerman tur clase di exito den su deporte di Brazilian Jiu Jutsu