Arubaanse Voetbal Bond, AVB lo tin 3 miembro nobo pa e proximo ciclo

Algun rato pasa, e federacion di futbol, AVB a tene nan reunion general extraordinario na Colegio EPI. Aki un total di 22 club a haci acto di presencia na e reunion general. Awe tambe e miembronan por a haci uso di nan derecho pa vota pa 4 puesto den e bestuur di AVB pa e proximo ciclo. 

 

Despues di e votacion a keda conoci cu Raymbert Bikker (24 voto), Devin de Veer (26 voto) y Jomar Boekhoudt(30 voto) a keda eligi como miembronan nobo den e bestuur di AVB pa e proximo ciclo mientras cu Mildred Wever(21 voto) a keda re-eligi cu 1 punto mas cu Gilmar Croes(20 voto) cu tambe e postula su mes. 

 

Mester bisa cu e directiva anterior a consisti di e miembronan Frans Dijkhoff, Rosemin Croes, Mildred Wever, Howard Hart, Abi Lake, Presidente Randolf Lacle y vice presidente Geetanjeli Khemlani.