Aruba ta keda na di dos lugar na Punta Cana

Aruba a cai venci di República Dominicana den un partido cu hopi emocion den final.
Florshine/Glovers den e prome 3 inning no a presta manera custumbra den e serie aki y República Dominicana a probecha y a score basta careda di e forma aki. Dado momento Aruba a recupera y a cuminsa bati y anota varios carreda, pero a keda corto na final. Aruba a perde cu e score di 18 pa 16, despues cu tabata perdi 15 pa 1.

Den liga 50 Jaws di Corsow a sorprende e favorito di Puerto Rico pa asina titula campeon. Pues ambos favorito nan a perde den e gran final cu ta conta. Otro anja e torneo aki lo tuma lugar na nos hermana isla Corsow den mesun un periodo aki y lo spera mas equipo participa.

E broche di oro tabata e ambiente cu e fanaticada grandi di Aruba a pone despues di e partido.

Mester remarca cu tabata tin un ambiente fenomenal cu musica y a wordo demostra e ambiente carnavalesco di nos dushi Aruba.
Fanaticada di República Dominicana, Corsow y Puerto Rico a join nos Arubiano nan den esaki.

Aki nos lo manda algun potret y video pa asina boso tambe por disfruta.

Di a forma aki e Crew completo ta despedi for di República Dominicana.