Aruba su landadonan ta keda entre e 8 mihornan di Centro America y Caribe 

Pa hopi di nos landadonan e CCCAN ta un evento nobo y ta pa prome biaha nan ta landa den un campeonato di nivel halto den nos region. 

 

Aruba ta cuminsa e final cu Jayrick Winterdal cu a landa 2 final riba e dia 2 di competencia. Prome a landa e 50 Butterfly y ta keda na di 6 lugar como tambe e 200 Freestyle unda ta bataya duro y keda na di 5 lugar. E landado Jaydon Croes ta landa 50m butterfly y ta keda na di 4 lugar, pa milliseconde Jaydon ta hera e di 3 lugar.

E hoben Gideon Flanegien ta landa su    100 Breast y ta keda na di 8 lugar.

E landado Chloë Farro tambe a landa 2 final y ta keda na di 5 lugar den e 50m Butterfly y den e 200m Freestyle. 

 

AAF ta orguyoso di tin varios landadonan entre e mihornan na CCCAN 2023. Awe diaranson ta un otro dia di competencia unda nos seleccion di landamento ta haya otro oportunidad pa landa pa e finalnan den ora di atardi.

 

Exito na nos landadonan