ARUBA na di 8 lugar riba e tabla di medaya

Despues di e dos medayanan di Oro den landamento, Aruba ta subi na di 8 lugar riba e tablero di medaya cu 11 medaya en total conkista den e Weganan Centro Americano y del Caribe na El Salvador. Den apenas 4 dia di competencia Aruba su atletanan a pasa e cantidad di record di medaya conkista durante e weganan CAC cu ta 9 medaya esaki na 2018 den e weganan di Baranquilla, Colombia. E deporte acuatico cu artistic swimming y landamento a y ta causando furor logrando tur e medayanan aki pa Aruba.

Cu e posicion number 8, Aruba ta laga paisnan grandi manera Panama, Republica Dominicana, Costa Rica, Jamaica, Honduras y hasta e propio pais anfitrion El Salvador su tras.

Si nos haci un comparacion den cantidad di habitante por bisa cu nos ta chikito pero grandi di curason.
Mexico 126 million
Colombia 51 million
Cuba 11 million
Venezuela 28 million
Puerto Rico 3 million
DR 11 million
Aruba 110 thousand
Trinidad 1.5 million

Sin duda un super trabou haci pa nos atletanan, coachnan, mayornan, federacionnan deportivo, y tur cu a yuda cu nan pida granito na e exito aki. Ainda nos tin mas pa bay. Ban sigui riba e bon caminda aki. Exito na tur nos hendenan cu ta pone nos dushi isla briya.

Pabien Aruba.