Allison Pava Escobar a sali Best Poomsea den Cas Bon Cup

Diasabra ultimo den Cas Bon Taekwondo Cup tabata tin Kyorugi y Poomsea.

Den tur e atletanan cu a participa den Poomsea, Allison Pava Escobar a yama hopi atencion den e refereenan. Master Augy Tromp a entrega e trofeo na Señorita Allison Pava Escobar di Estrella Taekwondo & Martial Arts Foundation bou guia di Master Nurberto Tromp y Coach Nicole Tromp cu a prepara nan atletanan pa Kyorogi y Poomsea.

   

Tres aña pasa Grand Master Melvin Rasmijn, Master Miguel Genser y Master Yoshmar Wever di Chaco Taekwondo Academy y Master Nurberto Tromp di Estrella Taekwondo & Martial Arts Foundation a pasa e curso di Kukkiwon Taekwondo International Master Course & Poom / Dan / Examiner Course y den Cas Bon Taekwondo Cup el a duna su fruto pa e hoben atleta faha blauw cu a hala hopi atencion cu su Poomsea.

     

Esaki ta bin door di su trainernan di Estrella Taekwondo & Martial Arts Foundation cu a dedica nan tempo pa tin un atleta cu a demonstra locual su entrenadonan a siñe.

Brazil Taekwondo Stichting ta felicita Allison Pava Escobar cu su logro y ta spera di wak mas di dje den Aracari Taekwondo Cup 2026.

Related posts

Island Brothers Jiu-Jitsu Aruba ta bolbe cas cu nuebe medaya diMedellín Pro 8

Resumen di e atletanan di Taekwondo Team Aruba na Daytona

ARTBO ta celebra Campeonato Nacional di Taekwondo “Yuwana” cu gran exito den cuadro di ASU Olimpiada