Agresion den deporte no mag sosode bou ningun circumstancia, pio serca nos hobennan

Riba media social nos por a tuma nota di ‘post’ di un dirigente hoben femenino di e ekipo di Estudiantes cu a wordo agredi durante un wega di futbol cu e bay for di man. Esaki a sosede 1 luna pasa caba y e hoben encuestion a dicidi di pone su version kiko a pasa y tambe su papel di eerste hulp pa asina tur hende sa cu e la bay dokter cu su lesion ricibi.

Lesando su su version claro esaki ta algo inaceptabel pio den deporte y sigur no contra un dama hoben asina.  E hoben aki tabata kier a djis sa con a para cu su caso mirando cu no ta haya un contesta for di esnan concerni. 

E hoben aki a conta lo siguiente:

Awe ta net 1 luna ku mi persona a experencia e banda fies di futbol! Dia 1 di Juni mi a wordo agredi pa un hungador di U15, e wega tawata entre Estudiantes y Rcs. Wega ta termina 3-3 (empate). Na final di wega e ekipo di Rcs a rondona e refree discutiendo e resultado. Mi persona ta lider di Estudiantes U15, mi persona a kuminsa hala NOS hungador nan for di escena, kaminda hungador #12 di Rcs a purba skop y tira mokete riba un di nos hungador nan. Eynan mama di e hungador a subi veld y bisa e hungador ku bo mishi ku mi yui bo ta wak kiko ta pasa. E hungador #12 a coba mama di e señora NO 1 BIAHA SINO 2 BIAHA!!!! Mi persona a bisa e hungador pa “ban respeta noh”, su grandioso contesta tabata ku mi ta dal bo 2 tonto tambe, mi a bira hari y ignore y sigui bisa mi hungador nan pa hala pariba lemaai e hende ney. #12  tabata bayendo tribune y mi a haña un mokete di trinshon. E mas tristo ta ku e coach & lider/assistant coach di e ekipo NO A NI PUNTRA SI MI PERSONA TA BON KORDA PA PIDI SORRY PA E MAL COMPORTASHON. Nan a risibi 2 carchi cora tambe den wega.

1 luna despues ainda ta warda riba kontesta di agreshon di parti e straf comissie. Kaminda ku nan a sigi hunga kruis final manera nada no a pasa. Tur 3 hungador a hunga dia 12 di juni ( esun ku a agredi mi persona & e 2 nan ku a risibi carchi dia 1 di Juni).

Dia 14 di Juni mi a bai e prome meeting hunto ku 1 testigo tocante e caso, duna nos banda di medalla. E president di Rcs y hungador #12 tambe mester a presenta.

Dia 21 di Juni mi mester a bolbe bai pa mas DUIDELIJKHEID !!!! pa bin sali afor ku nan a presenta ku mas persona na e fecha ariba menshona, Nan a bai gaña ku tami a bin di otro banda di tereno y mi  persona a dal prome.

1 Luna a pasa y ainda nos ta warda riba e kontesta di e caso, te ku Riverplate a protesta riba Rcs y gana e protesta. Final a wordo hunga.  Y mi persona mester warda UN LUNA pa un caso di AGRESHON !!!

Ahn e prome pregunta ku mi  a risibi dia 14 ta si mi ta YUI DI RAIMY, NO KIKO A SOSODE DIA 1 DI JUNI !!!!!

ANYWAYS TE AKI MI TA LAGA E KOS KI

Mi ta laga boso pa Dios, Aki riba boso lo paga!

Te asina leu su version.

Nos a busca contacto cu AVB pa asina mira si nos por a haya un respuesta riba e caso specifico aki

Version AVB:

AVB tin oido pa e caso unda a prepara tur e documentonan relevante di e caso y ta manda esaki pa e presidente di e Comision. E presidente hunto cu e demas miembronan di Comision ta sinta cu esnan envolvi. Awor mirando e delicado di e caso unda tin menor di edad envolvi y tambe e rapport di Polis y Eerste Hulp, a tuma desicion pa manda e caso cu tur documento pa Straf Commissie trata esaki. Straf Commissie di su banda lo evalua y trata e caso pronto pa despues tuma un desicion final conforme regla.