Xander Bogaerts & Friends ta dal Nutzbeatz & Friends dos wega sigui

Un Fiesta di Home run na Flatstone ballpark unda e publico sigur por a presencia wega amistoso cu hopi bataso di poder

Xander y Nutzbeatz a hunga dos wega contra otro diahuebs anochi na Flatestone

E prome wega entre team Xander contra di di team Nutzbeats a caba hopi pa poco pa e ekipo di nos astro di San Diego Padres. Den e di dos wega cosnan a bay mucho mas preta unda e ekipo di X-man ta sali vcitorioso cu e score preta di 10 – 9.

Durante henter e dos weganan Xander dal 3 home run pa su ekipo, pero nos tin tambe Giandric Lacle cu a dal 2 homerun, Gillian Wernet cu 1 home run y Ray patrick Didder 1 home run masha leeuw mes cu ainda nan ta buscando e bala. Tabata tin dos hende mas cu e dal homerun pa Team Xander cual nomber no ta conoci.

Pa e ekipo di Nutzbeatz tabata Jair Thompson cu 2 home run, Lynell Koolman cu dos 2 MONSTER di home run, Egimar Lampe cu 1 home run, Giancarlo Gomez cu 1 Home Run y Jean Pierre Geerman cu 1 Home Run. Ta bon pa bisa aserca cu pa e ekipo di Nutzbeatz a pitcha e legendario Poy Flanegin.

Sin duda un bunita gesto di Xander Bogaerts y Nutzbeatz pa tur anja organisa un wega amistoso pa asina nos comunidad por mira Xander den accion na Aruba.

Xander vs Nutz










Related posts

Copa Noord 2025 organisa pa Royal Power Tat Fat y Heineken: SV Royal Power Tat Fat ta gana Stingers den un wega elegante den Copa Noord 2025

Copa Noord 2025 organisa pa Royal Power Tat Fat y Heineken: Kudawecha Redskins ta soda pa gana Kudawecha Indians 6-5

Copa Noord 2025 organisa pa Royal Power Tat Fat y Heineken: Calabas Blue Jays ta aplasta Bad Boys mediante Black Out 21-0 den e wega di apertura