1.9K
Tanto diabierna como diasabra lo por despedi di Jose “Buchi Panama” Wever, awe den felis memoria. Diabierna e pueblo di Savaneta, Brazil y Aruba lo por despedi di Buchi di 6or pa 9or di anochi na e Compleho Deportivo Jose Buchi Panama Wever na Yara.
Pa su mañan diasabra lo tin e acto di entiero na Misa Sagrado Curason na Savaneta di 1or pa 4or di atardi.
Ta invita henter e Pueblo di Aruba muy en especial tur hungador cu a forma den historia di e futbol LIFIDA pa asisti y asina duna honor na e gran baluarte Arubano, Jose Buchi Panama Wever.
