Delegacion di Artistic swimming club Barracudas a biaha pa Fort Lauderdale, Florida

Awe diahuebs un grupo di atleta den desaroyo den e deporte di artistic swimming a biaha pa Merca unda nan lo competi na e 2023 Worldwide Meet na Coral Springs. E grupo di artistic swimming lo competi den categoria Novice y tambe den Age Group.

Un palabra di exito ta bay na e atleta nan di Barracudas: Ninziah Alexander, Josslyn Velazquez, Isabella Vasco, Luisa Pinillos, Camilla Pinillos, Zoe Olmtak y Kaylie Eman.

E grupo di landadonan den e deporte artistic swimming ta den pleno desaroyo y e mayoria pa prome biaha lo ta compitiendo riba e plataforma internacional.

Hopi exito na cada uno!